茶餐廳2.0 (已結業)

今日去左荃灣行街，行完ikea 就去附近商場搵野食，見到呢間有雞蛋仔食既餐廳都幾吸引就決定試下！下午茶時段除左有下午茶餐之外，set lunch 都可以減$10, 幾抵食！仲有娘惹喇沙，下午茶時段一樣可以減$10海南雞喇沙（轉米粉）（原價$55, 下午茶$45)海南雞份量夠多！雖然係雞胸位，但都唔算好鞋。喇沙湯底夠濃郁，有豆卜索埋啲湯食勁正！牛肝菌鮮蝦煙肉炒意粉（原價$62, 下午茶$52)炒意粉質素唔錯，意粉唔會好似一般茶餐廳咁煮得過熟。醬汁亦都都唔太稀，做到掛麵既效果。雞蛋仔配雪糕加士多啤梨、藍莓、Oreo ($44)雞蛋仔係我至愛既頭小食之一！加埋雪糕就好似去麥當勞食薯條點雪糕咁既感覺，冷熱交融之餘又有兩種不同既口感。加上又有士多啤梨、藍莓同埋Oreo, 口感就更豐富。