たまご園 (朗豪坊) (已結業)

我都幾喜歡玉子,又好喜歡黃色,見到呢間咁精緻的餐廳,就覺得好吸引,而且有TEASET,都幾抵。我叫左香蕉朱古力梳乎里PANCAKE,有好多朱古力醬,唔夠仲可以加楓糖漿。飲品就叫左杯凍烏龍茶,無糖既冰茶好合我心意。食物當然唔少得蟹玉子,店員話雞蛋由沖繩縣直送,唔怪得之玉子既味同平時食開果D唔同,甜甜地,甜味好特別,熱騰騰的,蟹就凍凍地,一冷一熱,好好味呢!唐揚炸雞價錢都好實惠,就叫左啦,有沙律,炸雞口感滑滑的,好肥美新鮮,好香脆可口,仲可以加少少檸檬汁,食起來就唔覺膩啦!主菜就叫左明太子蝦意粉,好多明太子醬,意粉好濕潤,充滿明太子既味道,仲有蝦呀!整體好滿意!好喜歡呢度既燈,好似雞蛋呀!呢間係雞蛋主題餐廳,係度好似被雞蛋包圍咁呀!