龍鳳冰室 (已結業)

今日去左灣仔上堂，中午時分同學有呢間嘅vip有九折，我未試過就一齊去啦！嗌左個雞脾意粉，配上招牌炒蛋，$58，中午係灣仔食都算係咁，一般都50蚊，都已經好多人等，大概十分鐘，就入到去，其實都幾迫。不過份量都幾大份，隻雞脾好大隻，而且炸到脆卜卜，其實有兩隻味道選擇，我選了吾辣嘅蜜糖味，不過上碟好似辣椒油咁，我都有問多次店員係咪吾辣，係岩先食嘅，而第二個味道就係黑椒嘅，都好吸引。意粉份量勁多，再加了黑木耳同粟米，好似健康少少，不過最正都係隻雞脾，應該係即嗌即炸嘅，好好味丫！不過如果環境好d，吾洗咁迫同吾洗坐係走廊就好啦：）