影片
更多
2022-01-13
699 浏览
餐廳：The Blind Pig (尖沙咀)地址：尖沙咀諾士佛臺1號地舖The Blind Pig 喺一間以體育為主題嘅酒吧餐廳，今次去咗尖沙咀諾士佛臺嘅分店，可以揀坐室外或者室內位置，裝修以一般酒吧風格為藍圖，配合bar枱、high table、四方木枱同卡位嘅座位選擇🪑，加上幾部播住球賽嘅電視⚽，比客人可以喺輕鬆自在嘅氛圍下同朋友一邊食嘢，一邊飲返兩杯，傾吓偈睇吓波✝️慢煮醬燒牛肋骨 $268呢個牛肋骨原條上，以醬燒慢煮嘅方法去整，保持到牛肋肉豐富嘅肉汁同嫩滑嘅質感，無論切開定喺放入口咬都食得出牛肋肉嘅軟腍，一啲都唔老，仲好入味👍。牛肋骨底下放滿香蒜煙肉碎椰菜仔，仲用咗Gremolata去調味——即喺義大利菜常見用切碎嘅檸檬皮、大蒜同歐芹混合而成嘅調味醬汁，食落就更加清香惹味😋✝️脆焗火腿芝士雞胸扒 $195白烚雞胸或者煎雞胸肉就食得多，用脆焗方式去整嘅雞胸扒就比較少見。將火腿、番茄醬🥫、水牛芝士同車打芝士放上雞胸扒上面分層烤焗，除咗充滿芝士香之外🧀，火腿鹹香香脆嘅口感亦都令雞胸扒無咁單調，雞扒外層有啲吉列嘅感覺，薄薄嘅雞胸肉提供到相當多嘅蛋白質，底層仲有唔少薯條同沙律伴碟，都幾豐富飽
地址：尖沙咀諾士佛臺1號地舖
The Blind Pig 喺一間以體育為主題嘅酒吧餐廳，今次去咗尖沙咀諾士佛臺嘅分店，可以揀坐室外或者室內位置，
裝修以一般酒吧風格為藍圖，配合bar枱、high table、四方木枱同卡位嘅座位選擇🪑，加上幾部播住球賽嘅電視⚽，
比客人可以喺輕鬆自在嘅氛圍下同朋友一邊食嘢，一邊飲返兩杯，傾吓偈睇吓波
✝️慢煮醬燒牛肋骨 $268
呢個牛肋骨原條上，以醬燒慢煮嘅方法去整，保持到牛肋肉豐富嘅肉汁同嫩滑嘅質感，
無論切開定喺放入口咬都食得出牛肋肉嘅軟腍，一啲都唔老，仲好入味👍。牛肋骨底下放滿香蒜煙肉碎椰菜仔，
仲用咗Gremolata去調味——即喺義大利菜常見用切碎嘅檸檬皮、大蒜同歐芹混合而成嘅調味醬汁，食落就更加清香惹味😋
✝️脆焗火腿芝士雞胸扒 $195
白烚雞胸或者煎雞胸肉就食得多，用脆焗方式去整嘅雞胸扒就比較少見。
將火腿、番茄醬🥫、水牛芝士同車打芝士放上雞胸扒上面分層烤焗，除咗充滿芝士香之外🧀，火腿鹹香香脆嘅口感亦都令雞胸扒無咁單調，
雞扒外層有啲吉列嘅感覺，薄薄嘅雞胸肉提供到相當多嘅蛋白質，底層仲有唔少薯條同沙律伴碟，都幾豐富飽肚😇
✝️芝士牛堡三文治 $160
以烘焗微脆嘅酸種麵包夾住厚厚嘅手打牛肉漢堡扒，當中加入車打芝士，
打開仲有少少流心效果相當吸引😍，漢堡牛肉香唔算太出，不過就好juicy💦，而且一啲都唔嚡，另外仲配上酸瓜同薯條🍟，薯條仲加咗調味粉鹹香十足
呢到嘅飲品款式都幾多，有成二十個類別接近百款選擇🍸，朋友叫咗杯Buck Stops Here($88)，喺一杯用檸檬vodka、葡萄汽酒、接骨木花糖漿、薑同檸檬整嘅cocktail🥂，而我就叫咗杯Regular Coffee($38)☕️，兩個人坐喺到傾吓傾吓就兩個鐘，好滿足🥰
张贴
