天天海南雞飯 (ELEMENTS圓方)

营业中

休息中

喺香港搵食最好嘅地方就係可以食到不同地方嘅特色美食， 想食日本菜星加坡菜馬來西亞菜歐州菜乜都有， 唔使飛到老遠先至食到。 而且分分鐘仲坐得舒服個原本餐廳所在地tim。 講緊嘅係天天海南雞飯。 係人都知米芝蓮天天海南雞來自星加坡熟食市場， 始終又唔係成日攞到假飛到去星加坡， 咪留返喺香港坐得舒舒服服去試下米芝蓮嘅海南雞。 天天喺香港有兩間分店一間喺圓方一間喺銅鑼灣， 今次去咗圓方嗰間分店， 餐廳以身藍色為主調， 地方都算大，有卡位，亦有一間廂房， 最特別係每一個卡位上高亦都有唔同嘅碗、 茶杯、器皿等等裝飾物。 而天花上高亦都有幾塊相信係模仿新加坡熟食市場嘅fence, 幾有特色呀。 冰鎮白玉 水煮過後經過冰鎮嘅 白玉米 ，睇落粒粒飽滿，食落去勁清甜爽口多汁。 鹽磚和牛 和牛粒以鹽磚送上， 配以 木魚絲以及炸過嘅乾蔥， 勁輕燒過嘅和牛脂香四溢，入口油潤嫩滑， 富肉味而甘香。 嚟到當然要食海南雞同埋雞油飯， 例牌海南雞嘅份量睇落非常足稱， 雞肉嫩滑脂肪少， 雞肉涼而雞汁係暖暖哋， 連雞皮食都唔會覺得非常油膩。 雞油飯以石窩送上， 用明火煮的米飯係用咗雞湯去煲， 飯粒分明。