影片
更多
2019-02-14
439 浏览
之前同老公行經紅磡見過呢間//雞翼山//，見到新潮嘅裝修同埋多款雞翼，已經好想試，最近知道佢開左黎旺角，好方便我地！一睇Menu，發現之前紅磡有嘅其中一兩款雞翼已經冇左，上facebook望望，原來呢間店係會轉換款式架，有少少失望，不過都仲有唔少岩食嘅款揀。我地叫左文青風玫瑰雞翼、港式避風塘蒜香雞翼、濃味三重芝士流雞翼同埋鼠尾草鹹蛋黃哥雞翼，每款四件，都已經可以當晚餐食。即叫即整，放工時間比較多人，店員提我地可能要等耐少少，最終等左大約10分鐘，雞翼就逐步送上。濃味三重芝士流雞翼賣相吸引，厚厚嘅芝士舖滿四隻雞翼，佢唔係平時拉絲嘅質感，係同雞翼完全融為一體，咸香味適中，我幾鐘意，仲將滴左喺盒上嘅芝士都一掃而空，不過唔係幾食得出係邊種芝士。臨走前問店員，原來係大孔芝士（emmental）、車打芝士同mozzarella芝士混合整成，幾夾喎。鼠尾草鹹蛋黃哥雞翼呢個係鹹蛋魚皮嘅朋友，不過更香濃，邪惡之極~~我唔知鼠尾草係咩味，不過食得出味道有層次，轉眼清哂四隻。港式避風塘蒜香雞翼對唔食得辣嘅我黎講辣左少少，老公就話幾惹味，蒜味幾強，有大排檔風味。文青風玫瑰雞翼最後係我最期待嘅玫瑰雞翼，閃令令嘅
之前同老公行經紅磡見過呢間//雞翼山//，見到新潮嘅裝修同埋多款雞翼，已經好想試，最近知道佢開左黎旺角，好方便我地！
一睇Menu，發現之前紅磡有嘅其中一兩款雞翼已經冇左，上facebook望望，原來呢間店係會轉換款式架，有少少失望，不過都仲有唔少岩食嘅款揀。我地叫左文青風玫瑰雞翼、港式避風塘蒜香雞翼、濃味三重芝士流雞翼同埋鼠尾草鹹蛋黃哥雞翼，每款四件，都已經可以當晚餐食。
即叫即整，放工時間比較多人，店員提我地可能要等耐少少，最終等左大約10分鐘，雞翼就逐步送上。
濃味三重芝士流雞翼賣相吸引，厚厚嘅芝士舖滿四隻雞翼，佢唔係平時拉絲嘅質感，係同雞翼完全融為一體，咸香味適中，我幾鐘意，仲將滴左喺盒上嘅芝士都一掃而空，不過唔係幾食得出係邊種芝士。臨走前問店員，原來係大孔芝士（emmental）、車打芝士同mozzarella芝士混合整成，幾夾喎。
鼠尾草鹹蛋黃哥雞翼呢個係鹹蛋魚皮嘅朋友，不過更香濃，邪惡之極~~我唔知鼠尾草係咩味，不過食得出味道有層次，轉眼清哂四隻。
港式避風塘蒜香雞翼
對唔食得辣嘅我黎講辣左少少，老公就話幾惹味，蒜味幾強，有大排檔風味。
文青風玫瑰雞翼最後係我最期待嘅玫瑰雞翼，閃令令嘅蜜糖雞翼加埋玫瑰花瓣，賣相係幾剎食嘅，我見店內所有人都有叫呢款。
蜜糖炸雞翼本身已經冇可能唔好食，有埋玫瑰味道特別左，呢個必定要encore。
呢度嘅雞翼全部都係先炸，然後再煮成唔同味道，我最欣賞佢一d都唔油膩。佢嘅slogan係「不要儀態，只想吃雞翼」，送上雞翼時店員俾埋一包正方形嘅野我地，開頭以為係濕紙巾，但原來係一對膠手套。我地一開始都係用叉慢慢咁食，但食到第二款已經轉左用手喇~~哈哈 食得好痛快~~
张贴
