雞翼山 (T.O.P This is Our Place)

营业中

休息中

雞翼山．之前有聽人介紹過，但見唔就腳，所以未有去朝拜，但而家喺旺角開分店，咁就腳，即約埋雞翼控嚟食，位置在大街叫方便易搵，出咗地鐡站轉過彎就到，當日下午1：30到步，可能新開，未係好多人知，仲未有排隊嘅人龍，但由於即叫即做，所以要等10～20分鐘，店面較小，沒有座位，只可立食，但裝修得宜，有打咭影相位~雞翼有成九款比客人揀，我地一人叫咗一款雞翼，有大路嘅避風塘蒜香同鼠尾草鹹蛋黃哥，仲有文清風玫瑰同我係鹹檸七，港式避風塘夠香夠辣，鹹蛋黃哥D黃超多，又入味，滿口蛋黃味～而文青風玫瑰顧名思義係加入玫瑰花干同蜜糖嚟配搭，啖啖玫瑰香和蜜糖甜～最後係店員介紹嘅我係鹹檸七，非常特別的雞翼，用鹹檸七嚟入饌，味道又夾，咸酸得宜，恰到好處。可見制作用心，因為即叫即做，所以都等咗一段時間，由於趕時間，最尾兩款我地轉外賣拎走，分兩種外賣盒裝，一個係有分格嘅大盒，另一個係單一口味細盒，細盒仲係店主設計，有個邊位攝叉同手套嫁，又靚又貼心。外賣食一樣好好味，而且除單點外，亦有套餐同派對系列。特別提下你地，炸起好熱下，小心燙口／手，堂食完記得自行清理～做個有公德心嘅人呀～