超眾手撕雞專門店 (已結業)

之前都好鐘意黎呢間手撕雞專門店，未搬鋪之前都已經好鐘意食喇。搬左過黎都間唔中幫襯，幾鐘意佢地自家製嘅辣醬。曾經有一段時間，佢地有優惠，買兩盒平幾蚊，果時我次次都買兩盒架！而家冇左優惠，都係食番一盒算。雞翼尖有次試過臨近佢關門先黎，可能雞翼尖已經雪番入雪櫃，見佢用滾水解凍，再撈醬，好難食架，辣度嘅水準有少少不穩。今日早少少買，就冇呢個問題。不過廿蚊左右，份量真係有點少…即時想食B仔雞翼尖…辣度適中，雞翼尖唔會有冰感，肉亦都冇霉，幾好食，但性價比唔高。