Wingman (已結業)

今日嚟咗幾出名嘅wingman，作為雞翼愛好者點都要黎試下入面啲雞翼係咪真係咁好食。佢喺地鐵站出嚟行幾分鐘就到，而且位置都唔難搵，上到去之後見到Menu有好多款雞翼~我地叫咗一款乾身嘅巴馬臣芝士蒜蓉味雞翼、濕身嘅水牛城醬雞翼，雞翼都係各六件，墨西哥風薯球再加南瓜意大利燴飯，睇落好似好少咁但其實好飽，份量好夠。巴馬臣芝士蒜蓉味雞翼(右）$69水牛城醬雞翼（左）$69巴馬臣蒜蓉味雞翼上面有好多蒜蓉，所以一入口就有濃濃嘅蒜味，啱曬中意食蒜嘅人，而且雞翼熱辣辣係岩整起，加上因為係乾身嘅，所以雞翼都脆脆地。而水牛城醬雞翼就係酸酸辣辣嘅醬，所以都幾開胃。墨西哥風薯球 $65墨西哥風薯球份量好多，而且上面有忌廉同牛油果，薯球本身原味都好好食，但加左忌廉同牛油果都好夾，令味道冇咁單一。南瓜意大利燴飯 $70南瓜意大利燴飯嘅造型好特別，個燴飯係南瓜入邊，所以可以直接整啲南瓜肉出嚟食，個樣又睇得，味道都唔錯。