Wingman (船街) (已結業)

呢間位於灣仔嘅雞翼專門店，經過入嚟梗係要食佢最出名嘅雞翼啦。呢度係主打無激素雞翼，味道大致分兩種: 乾身同濕身，睇落好多口味都好吸引。但午餐只可以揀2隻味，唯有忍痛取捨啦。雞翼炸到好香脆，雞肉嫩滑，唔會炸得乾巴巴。一款係咖啡味，灑上適量咖啡粉， 帶有少許甘香味。另一款係黑芝麻海鮮蜂蜜， 蜂蜜嘅甜味同雞翼好夾，更滋味。除咗主打嘅雞翼之外，仲有其他嘢都好好食㗎，好似呢個thunderbird crunch burger, 中間嘅炸雞肉唔似外面嘅快餐店咁乾，夠juicy, 加埋青瓜絲，生菜絲，千島醬，口感豐富。另外，bbq ribs都好好食， 肉質夠稔無筋，bbq sauce好濃郁，每條rib都沾滿個醬，唔使額外點醬都已經入哂味。所以除咗主打雞翼以外， 其他食物都做得好出色呀。