影片
更多
2023-11-24
1091 浏览
🔸貴妃雞粥 配炸兩 $62 餐飲檸茶加$3雞粥裏面有好多雞件，主要都係雞髀同雞翼肉，十分嫩滑好有雞味，啲雞皮就肥咗啲，成個粥上面有一層黃黃哋嘅雞油色，但係都唔會好肥膩，係有雞味嘅粥，而啲粥就口感好綿好滑，咁正嘅雞粥，難怪新記會攞嚟做招牌，不過粥裏面或許可能有斬雞件時碎出來的雞骨，所以食粥嘅時候唔好咁心急，以免食埋啲雞骨傷到喉嚨。 炸兩啲腸粉皮拉得比較薄，好滑有米槳香味😚 味道：8/10性價比：7/10🔸金牌貴妃雞例牌 $75 因為食完個雞粥覺得啲雞太好味，所以特別叫多個 貴妃雞例牌， 有差不多半隻雞嘅份量，不過冇咗雞髀同雞翼（可能畀曬啲雞粥用） 主要就係雞胸肉， 所以如果想食 雞髀肉嘅朋友就一定要叫番上面嗰雞粥。呢個例牌雞就提供咗好多 薑蓉畀你蘸雞， 雞皮係薄脆嘅，唔會有好多雞油，食落啲雞胸肉就唔似其他啲雞胸肉咁柴， 仍然保持到水準做到新鮮嫩滑又美味。味道：6/10性價比：6/10🔸香脆多春魚 $55呢個小食炸多春魚有十條， 炸得香脆，一上枱就香味四溢，聞到都流口水，蘸起啲喼汁一齊食，脆卜卜好惹味，炸粉跟隻魚都無落鹽好淡口，多食都唔會口渴。味道：6/10性價比：7/10🔸炸
雞粥裏面有好多雞件，主要都係雞髀同雞翼肉，十分嫩滑好有雞味，啲雞皮就肥咗啲，成個粥上面有一層黃黃哋嘅雞油色，但係都唔會好肥膩，係有雞味嘅粥，而啲粥就口感好綿好滑，咁正嘅雞粥，難怪新記會攞嚟做招牌，不過粥裏面或許可能有斬雞件時碎出來的雞骨，所以食粥嘅時候唔好咁心急，以免食埋啲雞骨傷到喉嚨。 炸兩啲腸粉皮拉得比較薄，好滑有米槳香味😚
味道：8/10
性價比：7/10
🔸金牌貴妃雞例牌 $75
因為食完個雞粥覺得啲雞太好味，所以特別叫多個 貴妃雞例牌， 有差不多半隻雞嘅份量，不過冇咗雞髀同雞翼（可能畀曬啲雞粥用） 主要就係雞胸肉， 所以如果想食 雞髀肉嘅朋友就一定要叫番上面嗰雞粥。呢個例牌雞就提供咗好多 薑蓉畀你蘸雞， 雞皮係薄脆嘅，唔會有好多雞油，食落啲雞胸肉就唔似其他啲雞胸肉咁柴， 仍然保持到水準做到新鮮嫩滑又美味。
味道：6/10
性價比：6/10
🔸香脆多春魚 $55
呢個小食炸多春魚有十條， 炸得香脆，一上枱就香味四溢，聞到都流口水，蘸起啲喼汁一齊食，脆卜卜好惹味，炸粉跟隻魚都無落鹽好淡口，多食都唔會口渴。
味道：6/10
性價比：7/10
🔸炸雞髀薯條 $42
炸雞髀好大隻， 而且炸嘅火喉啱啱好， 雞皮完全焦脆，裏面啲肉仲好嫩滑，醃得入味。 薯條就係 即刻炸起嘅，薯條一啲都冇燶到，仍有新鮮嘅薯仔味，呢個薯條真係幾好食。
味道：7/10
性價比：7/10
🔸XO醬豬扒炒公仔麵 $56
炒公仔麵個鑊氣好香，一上枱就一大陣醬油味， 豬扒係輕輕炸過嘅，咬落一啲都唔柴口， 好有豬肉嘅鮮嫩味，豬扒邊都煎得燶燶哋，肥豬肉都變得焦脆惹味。呢個唔係一般嘅 豉油王炒麵， 而係用xo醬嚟炒， xo醬有濃郁蝦米香味， 成個炒麵 係辣辣哋嘅， 而且鹹香味十足。
味道：7/10
性價比：7/10
张贴
