鶴旭 (已結業)

好耐之前已經想試依間拉麵，但因為覺得同區相比佢嘅價位相對高啲，所以一直都未嚟試。喺諗唔到中午食咩好嘅情況下又咁啱行過依條街就擇日不如撞日，乾脆入嚟幫襯下。店裡面嘅佈置都幾有日本feel，坐得都舒服。午市除左拉麵之外亦有其他飯嘅定食，不過一場嚟到當然二話不說叫返碗出名又多人讚嘅雞白湯拉麵先。鶴旭 雞原湯叉燒拉麵【$82】拉麵嚟到嘅時候會連埋個托盤，覺得佢拉麵嘅擺盤都幾靚，一見到就令人食欲大開。拉麵附有半隻糖心蛋、木耳、兩塊日式叉燒同埋兩塊雞胸，而且見佢加入左柚子都幾特別，配料非常豐富。第一樣做嘅野當然係試左湯底先，湯底係奶白色，飲落鮮甜順滑，味道濃郁但又唔會覺得越飲越口渴，好多時食拉麵啲湯底都係死鹹，但依度嘅雞湯係會令人不斷想繼續飲落去。而配料方面不得不提佢嘅雞胸，size一啲都唔細，食落口感超軟熟，唔會淡而無味亦同平時食到嗰啲好鞋或者好實嘅雞胸完全唔同，真係有驚艷到我。個人覺得幾出色，仲好食過另外兩塊叉燒。叉燒反而正正常常，可能我本身對日式叉燒麻麻，所以無咩特別感覺。麵條雖然無得揀粗幼，但我覺得佢嘅麵幾適中，而且麵質又唔會過淋或者硬，配埋雞湯一齊食非常夾。佢嘅雞湯真係好好味，我飲哂成碗