陸陸雞煲火鍋 (已結業)

係旺角行完街，見到呢間餐廳$298就有齊雞煲加龍蝦湯底海鮮火鍋食，就入去試下先。除左雞煲，龍蝦湯，海鮮之外，仲有牛肉丸，餃同菜都係包埋套餐，無需額外加錢。雞煲係即叫即整所以係你等既時候，佢會比左啲螺食住先，服務都幾好。小辣雞煲，雞既份量都唔算小，可能我重口味，如果味道濃啲會更加好。之後就一次過黎左今日既龍蝦湯海鮮同牛，急不及待試一下龍蝦湯個味道，都OK。海鮮種類都算多，黎既時候隻蝦仲係到跳，幾新鮮。職員會有個碗俾你放龍蝦等佢攤凍先黎食，幾細心。之後再送上唔同嘅菇菜丸，份量都唔份，丸類口感都幾彈牙。牛肉肉味尚算濃。