台北車站 (已結業)

將軍澳有間雞煲放題好抵食，晚市90分鐘任飲任食都係每人$128。揀咗雞煲，落咗單幾分鐘之後就有得食，啲雞基本上都熟晒，等再滾起就已經可以食，份量都好多，一定夠食。講得放題，當然仲有唔同既野食可以㨂，包括熱食、冷盤、海鮮、蔬菜同糖水。熱食：咖喱角、麥樂雞啦海鮮：花枝(仲有𠝹花添）、墨魚仔、青口、蝦冷盤：青瓜、木耳、蓮藕火鍋必食既配料：台灣鴨血、花枝丸、芝士腸、午餐肉、紅腸……蔬菜：粟米、生菜…仲有好多既配料都寫唔晒飲品種類都唔少，啤酒、果汁、汽水……有糖無糖既都有，一家大細都啱飲。唔夠飽既，仲有烏冬丫，面丫，吸埋雞煲既湯底，正丫。服務仲好好添，係咁refill 配料同醬汁，見到無晒湯，都會主動幫你加湯。總括嚟講，性價比都好高，下次可以試下酸菜魚。