影片
更多
2021-10-04
128 浏览
來到呢間餐廳，覺得環境同其他嘅差唔多，之後見到側邊原來有間3-4間客房，有客房呢樣野真係無咩平民餐廳做到，想安靜少少同一班朋友傾計嘅可以book房。呢度最近做緊優惠，加$98有限度海膽刺身，味道頗為清甜，又無腥味，值得一試！雞煲上檯嘅時候，會連計時器一併上檯，每兩分鐘就要攪拌一次裡面嘅雞。雞嘅辣度有得揀，我地今次係BB辣，雞炒得好入味，而且肉都好多！食過雞煲之後，呢度係會另外上一煲清湯嘅火鍋，呢個安排真係非常好！好多食雞煲火鍋嘅餐廳係直接係雞煲裡面倒湯再打邊爐，搞到成個邊爐湯底油淋淋，而且雞煲味完全掩蓋曬其他食物。因為我地鍾意食牛，所以打邊爐就選左牛王套餐。其他餐嘅牛係呢個美國普通肥牛。而牛王餐嘅不同之處就係有得食到呢三款高質牛肉，包括美國和牛肉眼、安格斯牛小排、安格斯肩胛肥牛。三款牛嘅花紋同成色睇落都唔錯，而滾熟入口後，肉質相對普通美國肥牛真係無咁韌，好軟又有牛味，有點入口即溶個種嘅口感，質素真係幾好！火鍋配料都算係幾齊備！甜品係北海道牛乳奶凍，甜甜地，細細杯又唔heavy！
呢度最近做緊優惠，加$98有限度海膽刺身，味道頗為清甜，又無腥味，值得一試！
雞煲上檯嘅時候，會連計時器一併上檯，每兩分鐘就要攪拌一次裡面嘅雞。
雞嘅辣度有得揀，我地今次係BB辣，雞炒得好入味，而且肉都好多！
食過雞煲之後，呢度係會另外上一煲清湯嘅火鍋，呢個安排真係非常好！好多食雞煲火鍋嘅餐廳係直接係雞煲裡面倒湯再打邊爐，搞到成個邊爐湯底油淋淋，而且雞煲味完全掩蓋曬其他食物。
因為我地鍾意食牛，所以打邊爐就選左牛王套餐。其他餐嘅牛係呢個美國普通肥牛。
而牛王餐嘅不同之處就係有得食到呢三款高質牛肉，包括美國和牛肉眼、安格斯牛小排、安格斯肩胛肥牛。三款牛嘅花紋同成色睇落都唔錯，而滾熟入口後，肉質相對普通美國肥牛真係無咁韌，好軟又有牛味，有點入口即溶個種嘅口感，質素真係幾好！
火鍋配料都算係幾齊備！
甜品係北海道牛乳奶凍，甜甜地，細細杯又唔heavy！
张贴
