影片
更多
2021-12-02
12 浏览
近日天氣明顯轉涼，香港人喜愛的雞煲、火鍋亦陸續登場。早排上網搵食，已經留意到好多人推介呢間「鼎豐」嘅雞煲同泰菜，趁今日收早，專登過嚟試下。門面好搶眼，外牆繪滿了花花草草，色彩斑斕奪目，煞是美觀！入面嘅環境亦唔錯，座位闊落舒服，另外亦設有 2 間 VIP 房，適合一家大細或一大班朋友來聚餐。餐廳除左主打雞煲火鍋外，仲有正宗泰國菜供應，而且標榜不加任何味精，令人食得健康又放心！鼎豐招牌雞煲 ($188) 雞煲可自選辣度，有 BB 辣、大中小辣，甚至走辣可供選擇。雖然今次只係點左半隻雞，但係份量都唔少。雞肉好有肉地，肉質鮮嫩，夠大件又入味，配上以薑蔥、蒜蓉、辣椒等熬成的醬汁，非常惹味。頂級雪花肥牛 ($168) 睇左之前嘅食評，話餐廳做緊 Promotion，凡惠顧半隻雞煲，可免費獲贈肥牛一碟。向店員查詢，原來個優惠已經完左，不過見有人話想食肥牛，所以都點左一客。睇下碟肥牛幾靚，雪花均勻，吃起來牛味濃郁又有嚼頭。泰式蒜蓉包 ($38) 蒜蓉包烘得外脆內軟，入口熱辣辣，有好重蒜蓉同牛油香，記住要趁熱食！泰式馬拉盞炒芥蘭 ($83) 芥蘭新鮮翠綠，夠嫩又無渣，加上用左微辣嘅馬拉盞同炒，入
近日天氣明顯轉涼，香港人喜愛的雞煲、火鍋亦陸續登場。早排上網搵食，已經留意到好多人推介呢間「鼎豐」嘅雞煲同泰菜，趁今日收早，專登過嚟試下。
門面好搶眼，外牆繪滿了花花草草，色彩斑斕奪目，煞是美觀！入面嘅環境亦唔錯，座位闊落舒服，另外亦設有 2 間 VIP 房，適合一家大細或一大班朋友來聚餐。
餐廳除左主打雞煲火鍋外，仲有正宗泰國菜供應，而且標榜不加任何味精，令人食得健康又放心！
鼎豐招牌雞煲 ($188) 雞煲可自選辣度，有 BB 辣、大中小辣，甚至走辣可供選擇。雖然今次只係點左半隻雞，但係份量都唔少。雞肉好有肉地，肉質鮮嫩，夠大件又入味，配上以薑蔥、蒜蓉、辣椒等熬成的醬汁，非常惹味。
頂級雪花肥牛 ($168) 睇左之前嘅食評，話餐廳做緊 Promotion，凡惠顧半隻雞煲，可免費獲贈肥牛一碟。向店員查詢，原來個優惠已經完左，不過見有人話想食肥牛，所以都點左一客。睇下碟肥牛幾靚，雪花均勻，吃起來牛味濃郁又有嚼頭。
泰式蒜蓉包 ($38) 蒜蓉包烘得外脆內軟，入口熱辣辣，有好重蒜蓉同牛油香，記住要趁熱食！
泰式馬拉盞炒芥蘭 ($83) 芥蘭新鮮翠綠，夠嫩又無渣，加上用左微辣嘅馬拉盞同炒，入口鹹香惹味。食完嘆番杯龍眼冰 ($36)，真係好爽！龍眼冰用料十足，味道清甜又食到粒粒龍眼肉。
一場嚟到，當然要食埋甜品先至走。椰汁西米糕 ($32) 椰香飄逸，入口 Q 彈爽滑。
芒果糯米飯 ($43/細) 用上原隻芒果伴碟，糯米挺身有咬口，芒果香甜多汁，伴上椰漿，可口味美。
张贴
