金凱小廚 (已結業)

今日早收工, 去大圍探朋友, 朋友帶路由大圍火車站行去附近美林邨食雞煲火鍋, 見到係好有風味的冬菇亭設計, 餐廳入面感覺光猛和乾淨, 獲安排坐卡位好舒服, 到7點左右餐廳已經開始full, 好彩我哋早去才有位見到menu有兩種放題, $198和$268, 我哋試了$198這種, 有一次性的雞煲和每位自選4款燒烤類食品, 然後火鍋配料任點任食, 燒烤印象最深係蒜蓉燒生蠔, 蒜香牛油燒扇貝和浦燒雞泡魚乾, 燒得非常入味一開始先上雞煲, 服務員好耐心教我哋把雞件炒熟, 約3分鐘就可以食得, 雞煲好香, 醬汁唔會太咸, 好滋味~食完雞煲後, 當然是享受火鍋的時間, 店員介紹了幾款不同的火鍋湯底, 款款都吸引, 我哋最終選了胡椒豬肚湯, 湯底好正, 又好足料！見到menu的火鍋配料選擇好有誠意, 鴨血、蠔、扇貝等等都是任食！！另外$198任食menu有多達3款牛肉選擇, 每一款也好好味, 我自己就喜歡美國極上牛頸脊, 我朋友就喜歡安格斯肩胛牛肉~現場汽水飲品任飲, 包括我很喜歡的碧泉檸檬茶和巨峰提子等等, 選擇都好充足！今次的$198放題已經非常滿足, 因為一次過滿足晒雞煲、火鍋和串燒三個願望！