同人鍋 (已結業)

同事常讚山林道同人鍋很捧，這天終於可以和男友體驗一下!來到門口內進是接待區，上樓梯至一樓，想不到用餐區是眼前一亮的裝修，空間感十足，真的有點驚喜。這裏的侍應都是細心又有耐性的，感覺很貼心呢 !先食雞煲再打邊爐。雞煲揀咗少辣，滾滾下慢慢有少少麻辣出咗嚟，非常惹味，連我唔食得辣嘅都接受到。紅薯粉不用滾太長時間已很稔滑又入味。約有半隻份量的雞件，肉質很滑又夠爽實， 新鮮又有雞味。雞件還可以再添加的 。我哋揀了濃滑的花膠湯底。海鮮拼盤的鮑魚、鮮魷魚、白鱔片、生蠔和海蝦都非常鮮甜。除了鮑魚和蟶子外，其他海鮮也可免費添加。牛柏葉、台灣一口腸、芝士丸、墨魚丸、牛肉丸、魚皮餃、粟米、蘿蔔、豆卜和唐生菜等。各種食品都新鮮又企理。這晚我和男友二人食指大動，還追加了牛味濃厚的安格斯牛肉、蟮片和爽滑的讚岐烏冬! 酒精飲品要收費，點了藍妹啤酒 $28/支。價錢頗合理。自助凍飲雪櫃內都是熟悉的品牌，真是飲得放心。而餐廳出品的酸梅湯和菊花茶更可整瓶放上餐枱自由添飲。