同人鍋 (已結業)

係尖沙咀行完街，到左晚飯時間，大家最終決定左打邊爐。跟住就search 下，比我地揀到間又係附近，食物又多選擇既打邊爐。黎到大堂，已經看到不同既海鮮壁畫，令到鍾意食海鮮既我增加食慾～上到內堂，地方十分整潔，空間感闊落，唔覺得擠迫。我地揀左雞煲肥牛海鮮火鍋，又有雞煲，又有打邊爐，仲有海鮮食，一次滿足晒三個願望。首先會上左個雞煲，我地揀左小辣。雞肉好嫩滑，而汁既味道又剛剛好，唔錯～食完個雞煲，就換過另一個鍋打邊爐，湯底我地揀左蕃茄龍蝦湯龍蝦好大隻，肉質鮮甜結實，正！跟住海鮮拼盤上場喇。有大聖子、鮮鮑魚，海蝦，鱔片，生蠔......鮑魚同蝦都仲係郁緊架～聖子好大隻，超鮮甜，正呀～肥牛亦係另一堆介之選～雪櫃有唔同既飲品任飲添，今餐食得好滿足呀