吞POT 雞煲火鍋.住家菜 (已結業)

今次同朋友聚會揀左食雞煲打邊爐， 叫左滋補螺片花膠雞煲一隻，雞肉嫩滑、花膠及螺片份量足，湯底鮮甜且天然，愈煲愈香不會過鹹，十分滋補養生！ 可以食左啲雞同花膠先～ 西班牙頂級黑豚豬梅肉用來打邊爐，肉質嫩滑、油花分布均勻，入口鮮甜帶有淡淡堅果香，無豬羶味，厚切大塊食落滿足感高！ 脆肉鯇片用來打邊爐，魚肉超爽脆彈牙、入口細膩無腥味，薄切片只需涮10秒，原味鮮甜，蘸醬後更提鮮，魚腩部位油花豐富，肥而不膩，食落好脆！