影片
更多
2018-01-07
86 浏览
嘆雞煲，一定係揀倫哥！淨係睇佢張instruction已經感覺到嗰份堅持。 雞煲上之前先黎幾個頭盤開一開胃，分別有刺身、冬菇鮑魚。刺身有幾款，穩陣，不過不失。冬菇鮑魚有啲驚喜，味道唔錯。 好喇！唔講其他野，開始介紹下個雞煲咩料先。 雞，全部都係雞...... 中肯啲黎講，份量都幾多，以四個人食黎計，啲雞食極都仲有。味道揀左微辣，少少麻辣底，惹味之餘又唔會辣到跳舞。 值得一提既係，雖然有提供教學指示，教你去點食呢個雞煲，不過，其實倫哥既伙記都會服侍啲食客，幫你手整好個雞煲先俾你去食既，講服務質素，呢一方面真係要加分俾佢地。 食開雞煲既人仕都知道，雞煲完左就會變打邊爐，呢到個玩法係..........一樣既！不過，唔好失望，之後個湯底會令你尖叫，因為個湯底係龍蝦底，再加蟹，味道濃郁到不得了。 不過未夠！呢個不折不扣係一個海鮮窩，大蜆、蟶子、蝦、魚片又點少得？啲海鮮又鮮甜又肉厚，好難想像用呢個價錢可以有咁豐富既海鮮。 又值得一提既係牛肉，倫哥好細心咁安排以冰鎮奉上牛肉，保持牛肉既鮮味，只要輕輕拖一拖，入口肉質爽滑，又有香濃既牛肉加海鮮味，呢個感受真係不同凡響！
雞煲上之前先黎幾個頭盤開一開胃，分別有刺身、冬菇鮑魚。
刺身有幾款，穩陣，不過不失。
冬菇鮑魚有啲驚喜，味道唔錯。 好喇！唔講其他野，開始介紹下個雞煲咩料先。
雞，全部都係雞...... 中肯啲黎講，份量都幾多，以四個人食黎計，啲雞食極都仲有。味道揀左微辣，少少麻辣底，惹味之餘又唔會辣到跳舞。 值得一提既係，雖然有提供教學指示，教你去點食呢個雞煲，不過，其實倫哥既伙記都會服侍啲食客，幫你手整好個雞煲先俾你去食既，講服務質素，呢一方面真係要加分俾佢地。
食開雞煲既人仕都知道，雞煲完左就會變打邊爐，呢到個玩法係..........一樣既！不過，唔好失望，之後個湯底會令你尖叫，因為個湯底係龍蝦底，再加蟹，味道濃郁到不得了。
不過未夠！呢個不折不扣係一個海鮮窩，大蜆、蟶子、蝦、魚片又點少得？
啲海鮮又鮮甜又肉厚，好難想像用呢個價錢可以有咁豐富既海鮮。
又值得一提既係牛肉，倫哥好細心咁安排以冰鎮奉上牛肉，保持牛肉既鮮味，只要輕輕拖一拖，入口肉質爽滑，又有香濃既牛肉加海鮮味，呢個感受真係不同凡響！
张贴
