豐鍋雞煲 (荔枝角道) (已結業)

今日去完鴨記買電話卡...專程行過黎食豐鍋，呢間嘅雞煲個辣味好正宗（實在太回味）🤤🤤🤤我最鍾意佢哋雞煲中辣，辣道剛剛好，唔辣唔好多🤫呢度嘅辣係越食越惹味😈😈一坐低就二話不說叫咗個中辣雞煲先，仲要求加多D洋蔥😬勁香！侍應放低雞煲好有心機咁幫我地不停兜，不停地兜直到剛熟先停手「食得」！今次叫咗雪花肥牛：肥牛味幾濃，切得唔會太薄，灼兩灼食入口口感適中！皇帝菜：強烈推介皇帝菜個味打邊爐🍲係好夾，好好味架！韮菜餃：好大隻！皮薄餡靚！食得出係新鮮包，唔係包好雪完果啲🤗馳名炸魚皮：特大特長炸魚皮！實在太太太過份！仲長過個雞煲😲😲深水埗店全店免加一！下次再黎要試吓深水埗分店限定「海龍皇套餐」🙆🏻‍♂️