米走雞Deluxe (已搬遷) 新店位置

見佢有個黄金芝士雞煲，一直 bookmark 左想去食，因為兩個女超鍾意食芝士火鍋。book 晒枱、但兩個女病左、出唔到街食🫢我就可以食辣、同老公改變主意食麻辣火焰雞煲。scan QR code 手機落單，個雞煲可以揀爆茜🤤我揀左最辣、爆茜、多洋蔥，洋蔥好索汁架！滾左之後、有人黎點火，之後加個汁落去！最辣係有好多辣椒、睇見都流口水⋯識食一定要叫蘿蔔或者萵筍，未加湯之前就落，煮到仲入晒味。講返雞煲，細雞煲都好多雞，仲件件都啖啖肉，肉嫩、唔係又乾又鞋。同埋真係夠辣、好惹味叫左白鱔片，大大塊、新鮮！仲叫左澳洲牛舌，份量多，爽口、好抵食。服務好好，主動加湯又快手。