同人鍋 (已結業)

行街行到攰， 就諗住搵間任食嘅可以大拆一餐， 山林道就不嬲多選擇， 見呢間裝修企理， 一個價錢雞煲同海鮮鍋任食任飲之餘仲冇限時， 至驚等佢熟又掛住傾偈搞到超時，唔使煩就中入去啦~坐低等雞煲嚟嗰陣就去攞嘢飲先， 除咗罐裝飲品，仲有解茶呢啲消滯嘢，兼夾仲有一渣渣嘅蜂蜜菊花露，蜂蜜柚子，同酸梅湯，真係超正！ 蜂蜜菊花路同蜂蜜柚子都唔會太甜，飲多幾渣都唔漏~雞煲一來未開蓋就聞到好香， 一開蓋就唔使講嘢，即刻食件雞先~ 雞肉好滑又唔肥， 個醬汁啲味好特別， 我哋雖然叫微辣但都夠曬惹味， 仲喺個煲見到一條條乾辣椒， 唔係求其用啲辣椒精嚟充數~ 除咗啲雞，芫茜同洋蔥都落足料， 索曬啲精華~之後同老闆傾偈，先知佢哋嘅雞煲係原煲由生煮到熟先上枱， 唔係大圍煮完先再派， 唔怪得啲味咁均勻， 結果眨下眼成都清曬食完雞煲就起海鮮鍋， 女仔就梗係要揀花膠湯底補下身啦， 湯一滾就一人整番碗先， 奶白色嘅湯仲有一舊舊花膠喺入面， 夠厚身油唔會煲度太化， 啲湯入口鮮味冇腥味， 結果我哋飲到見煲底先肯收手~有辣椒，生蒜蓉，蔥花，豉油任， 每枱都有一壺清湯， 加湯不求人~ 清湯加落個鍋就可以開始， 海鮮拼盤一上我哋情緒