四海魚村 (已結業)

今晚放工同埋幾個朋友話食雞煲，我當然話好。呢排天氣時凍時熱，食返個雞煲補下都唔錯。朋友話深水埗呢間四海魚村係正宗四川人開，去到見到個門面已經好有內地火鍋裝潢既感覺。我地點咗個奇味雞煲，要小小辣。一上到枱，雞煲好香濃，啲雞肉啖啖肉，非常有滿足感。佢啲雞好嫩，而且啲肉煲極都唔老，好西利！雞煲既汁係小小甜甜地，加埋唔同既椒，真係好正宗。我地仲點咗份酸菜鱸魚，鱸魚相對無咁多骨，而且好滑漏，香味怡人，最重要係佢個底加咗勁多紅薯粉，岩晒最鍾意食薯粉既我，正～老闆仲好有禮貌非常親切，呢間川菜火鍋真係食得過。