前家樂餐廳火鍋店 (已結業)

放工覓食女子組又出動，今次就去左大角咀，帶頭嘅雞煲小隊長話有好推薦，所以幾遠都要黎，不過都係一程小巴姐~~~坐低四位就推薦左我地叫大魚同細雞，基於同行個個都未食過烤魚，所以只好放棄大雞。首先講隻雞，雖然係微辣辣麻，不過我覺得都有點辣，如果大家吾多食得，可以叫Bb辣。雞肉數埋十另件，都對得住細呢個字嘅，不過湯底有點喊，建議加水好過加湯，吾係只會越滾越濃。但雞肉鮮嫩都算不過不失到條魚，我地叫左酸菜烤肉，一向怕食到骨嘅我都食左吾小，因為鯇魚腩都大大舊肉不過可能耐無食海魚，覺得有小小泥味，但醬汁都偏咸小小，所以都係加水好dd。配菜方面大推三種必食！！芝士竹輪，好食過某家快餐店，芝士迷一定要食！一直打邊爐都想買佢黎食芝味濃郁最好滾到大大粒再食~~~生蠔，兩個字，鮮同甜，呢個份量算對得住個價XD冰鮮嘅都扺啊牛肩脊，滑口即溶，牛味濃郁，個人中意呢個肉多過肥牛，無禁肥女士食多D都得。其實配菜仲有好多，不過大推就呢幾樣，雖然地點小遠，但食物質量可以有八十五分，周圍嘅食客都係街坊多，呢種人情味真係無幾多，唯一可以改善下嘅，應該就係個醬汁同打邊爐嘅豉油等調味品。