陸陸雞煲火鍋 (已結業)

雞煲海鮮盛宴🐔🦀（$268/位）-想食雞煲之餘又想食埋海鮮，今次有好推薦🤤。海鮮餐會先食雞煲，即叫即造，上枱黎炒炒佢焗一焗，開蓋就食得❤，大胃王可以雞煲打定底！雞件頗多，叫左小辣，但同樣惹味。-之後就黎重頭戲，龍蝦海鮮餐🤤。龍蝦湯勁香，重點係真係原隻大龍蝦係煲入面❤！龍蝦超巨型而且啖啖肉，鮮甜度滿分。再黎仲有鮑魚、聖子王、帶子、蝦🦐、花甲、扇貝🐚等等，每樣海鮮都好新鮮，配上龍蝦湯底一齊煮，不得了！-食完海鮮大胃王仲有位的話，仲會有招牌牛肩胛🐂、蔬菜盤🌽、丸類餃子🥟同響鈴呢啲必點野食，重點係都係包埋係同一個餐💞，好癲！食材乾淨企理，唔係hea住黎。-*留意返阿，白布街只有呢個套餐食架咋，想淨食雞煲的話記得去返奶路臣街個間！龍蝦餐二人以上就可以點啦。