1
隔咗幾個月又開始有少少掛住4號烤吧，今次佢新出咗一個大豐盛套餐，只係368蚊就有半隻雞煲、兩份小食、6串串燒同埋兩罐啤酒添，咁抵即揀。
香辣雞煲，辣度揀咗中辣，雞肉嫩滑，醬汁香濃，係每一次都要番兜嘅 item。
酥炸雞軟骨，雞軟骨炸得相當酥脆，而且個熟度掌握得非常之好，咬開內裏重保持住極度嘅 Juicy，加埋面頭為數不少炸香咗嘅蒜粒，送酒一流。
燒韮菜，韭菜選料上乘，入口完全無渣，非常惹味。
串燒豬頸肉，豬頸肉醃得入味，外皮燒得焦脆，我選呢一個為必點嘅項目。
燒娃娃菜，娃娃菜以甜鼓油同埋椒鹽輕輕調味，配合得非常之好。
