燒皇燒烤專門店

营业中

休息中

近排心思思好想食串燒同埋雞煲，好好彩畀我搵到呢間餐廳，可以同時滿足我兩個願望。先簡單講餐廳嘅優點同缺點佢嘅上菜速度快，食物質素不錯不過飲品種類較少，酒精飲品需自行購買我哋叫咗牛舌，黑松露醬燒生蠔，茄子，烏頭魚，金菇同埋其他串燒再加一個椰子雞煲。落單之後，一直冇停過上菜，甚至喺個雞煲滾之前，所有食物都已經上齊曬。味道不過不失，值得一提嘅係，雞好嫩滑同入味，海鮮都好新鮮惹味。店員嘅態度都好友善，有問必答，亦都冇做啲咩趕客行為，坐得好舒服。喺我哋食緊嘢時，仲畀咗啲食用貼士我哋。特別嘅係，個椰子雞煲同啲串燒好夾。同以往食開嘅雞煲唔同，佢比較清淡，夾埋串燒嘅效果異常地好。同朋友食得好開心，已經約好有機會再嚟食過。