冧廚 (已結業)

雞煲、火鍋、韓燒三重奏雖然呢間放題 地方唔算話好就腳但真係會想一試再試香港嘅雞煲 一般都係麻辣味偏重但呢間嘅雞煲味道 確有特色唔係得個辣字 啲雞肉好滑好入味更加重要嘅係 啲雞可以無限加添不過我就冇加啦 事關仲有火鍋等緊我 火鍋嘅配料用心 啲餃子嘅種類好多有鮮蝦雲吞、韭菜餃、白菜餃等等雖然啲火鍋配料唔係擺好多出嚟但其實係老闆覺得啲人唔應該浪費所以佢哋一見到剩返好少 就會立即加添丸類嘅款式好多粒墨魚丸真係好正又有生蠔同多種嘅肥牛所以絕對好抵食 而我就食咗好多蔬菜 好新鮮之後就梗係食埋個韓朝啦第一次見韓燒提供左豬大腸燒左一陣間已經外脆內軟豬頸肉又十分之好食餐廳嘅員工極力推薦燒埋菠蘿新鮮菠蘿燒果然唔同啲 又香又多汁諗諗吓其實都唔係三重奏係四重奏先啱呀 有埋自助餐因為出邊仲有啲小食甜品、飲品任你拎啲甜品 會令你好飽都想繼續食個芒果布甸好足料入邊細細粒嘅芒果肉 完全唔馬虎然後我個牛奶奶凍 勁香牛乳味 正冇諗過仲有熱辣辣嘅豆腐花 好滑好用心仲拎左啲冷盤食物 有鳳爪、泡菜等等覺得呢一餐真係好值 咁平食到咁多嘢而餐廳空間大 坐得十分舒服一定會再嚟幫襯！