天龍海鮮火鍋 (已結業)

為食嘅我又去左食我至愛美食火鍋啦，今期去左呢間火鍋店品嚐美食，係火鍋餐牌上已提供多款經濟火鍋套餐外，仲有埋串燒提供夠晒驚喜再點埋其他火鍋配料就開始是日晚餐，當然係食火鍋之前又點會少左呢款人氣美食，唔駛講都應該知道係乜佢就係雞煲，望見賣相份量十足唔知味道又如何不過都要再炒一炒，咁樣先至可以吸收埋醬汁嘅精華，已聞到雞煲嗰陣香辣味，真係嗱嗱聲食番件品嚐一下味道，食到雞肉肉質香嫩之餘，味道夠晒香濃食得份外刺激真係食到停唔到口，雞煲享受完之後就輪到火鍋，先來梗係有手打皇牌四寶丸，每粒手打丸都用料十足，入口爽彈又多汁再來係美國安格斯和牛，和牛肉質細嫩雪花夠豐滿，將和牛滾一滾就食得，入口肉質嫩滑滿口都係油香夠晒滋味再品嚐其他火鍋美食之餘，又可以食埋串燒簡直完美配搭，我就點左燒茄子，茄子原條上肉質一絲絲配上香料食得惹味眨眼間又享受完一餐火鍋。