第一城冰站

营业中

休息中

我都係住係附近，耐吾耐都會食佢既雞旦仔，下面位食家話完全無旦味，完全唔好食。我諗好多食過呢間雞旦仔既人都吾會認同呢！想試真雞旦仔既味，就先試原味呢！朱古力同士多啤利味只係花臣野，多數小朋友會鐘意食多d，呢兩種雞旦仔既旦味的確會俾朱古力，士多啤利既味蓋過。芝麻椰絲味比較香口，雞旦仔落左唔少芝麻，所以芝麻味十分夠，但椰絲味就唔太覺喇。我通常都會食原味或者香蕉味，原味旦味夠，雖然唔係好濃，要旦味好濃的話，倒不如買個全旦旦糕吧！香蕉味都係花臣野，但無朱古力果d咁完全蓋過雞旦仔既味，少少香蕉味同雞旦仔配合得宜，所以我覺得唔錯！口感方面，外脆內軟，裡面一半係軟既雞旦仔，所以咬落去唔會得個殼，又唔會軟到好似食旦糕咁。整雞旦仔既肥叔叔，記性幾好，五個雞旦仔爐加兩個夾餅爐都控制自如，假日人頭湧湧時，等十分鐘買底雞旦仔已習以為常，每個客人都耐心等候，再唔係俾左錢轉頭返黎拎，佢都會記得。