Munchies (新中環大廈) (已搬遷) 新店位置

行經上環，想搵一間健康，又好味嘅漢堡包。呢一間會係我嘅新選擇！入邊嘅款式好多，漢堡包以雞肉為主，搭配唔同嘅醬汁，風味十足。而且所有嘅果汁卡路里都祇有50~70克，真係好低脂好健康。最啱我呢啲又想飲凍嘢，又想keep fit嘅女仔。今次試咗兩款漢堡，分別係松露蛋黃醬雞肉漢堡，同埋蜜糖芥辣雞肉漢堡。我覺得松露味非常香，搭配埋香脆嘅雞扒，滿足之餘更美味。而招牌的店主推介蜜糖芥末都非常唔錯，芥末香辣可口，搭配甜蜜嘅蜂蜜，更可帶嚟絲絲甜蜜。飲品方面試咗低卡嘅黑莓活性炭同埋洛神花蘆薈。活性炭配上气泡水真係好解渴，飲落就似一杯低卡嘅汽水，而洛神花果茶好自然清香，配上烏龍茶更濃郁。