京林屋 (明宮閣) (已結業)

星期五中午出嚟食晏四圍好多人，12點多行出嚟都要等位，好彩唔駛等幾耐，京林屋午餐出咗新野，現在有雞食，以前只有抹茶麵、烏冬及燒魚定食，有肉真係好。一客定食一大碗飯上面兩塊雞扒，見個樣有焦香，顏色吸引，見到下面黃色唔係啲飯黃色，黃色係蛋絲，下面照舊是茶葉飯。雞扒做得好，雞皮唔係爽嘅，而係又滑又腍，入口即溶，又冇脂肪，俾肉全件都滑，我唔會為個雞扒飯特登嚟呢度，但都幾好食。食番京林屋嘅專長，袐製抹茶蕨餅，經典之作，煙靱的感覺，滑溜的感覺同時出現，又有抹茶香，唔夠嘅話可以抹茶加粉，糖漿就一定要加，好味啲。雞扒餐可以加＄20飲多杯茶，玫瑰蘋果煎茶，充滿青蘋果香，其實我覺得香味比口味出色。今日中午食得實在超正。