廚師帽 (已結業)

早兩日同D 同事食飯，諗唔到食咩，於是就兩個人周圍行下，諗住睇下邊間多位就食啦。 行過依間都見幾多位，睇過介紹都還可以，於是就坐低試下。 我叫左個雞扒黑椒汁配飯 雞扒煎得幾香口，同埋都仲嫩滑，唔會煎得太老。黑椒汁都ok多，送飯一流。 我同事叫左個龍利柳野菌忌廉汁配飯 我一試左一 試個汁，有D野菌味，唔係純粹白汁咁單調，龍利柳就還可以。整體而言，一個午餐五十幾蚊加杯野飲，價錢中中等等，不過食物都唔錯，都有D驚喜。