軒尼詩冰廳 (柯布連道)

軒尼詩冰廳令我覺得好驚喜！！
冰廳畀人嘅感覺都好舊，
但呢間冰廳都幾新淨又整齊。
卡座用沙發椅，坐得好舒服，
餐牌亦有唔同的扒餐，
覺得佢係企理嘅高質平價扒房。

蒜蓉脆脆雞扒好大塊，
表皮夠乾身，唔錯！
配嘅薯仔係原個焗薯，幾驚喜
成個扒餐都係六十二蚊包飲品，
環境好過好多連鎖快餐，
甚至有啲燒扒屋都冇佢做得咁好。
另外叫咗撈公仔麵🍜嘅套餐，
瑞士汁雞翼入味，好正，
炒蛋都濕潤，不過可以再滑啲
最後點多個小食吉列魚柳，
又係滿足嘅一餐～