六十六十火鍋 (已結業)

同個friend 兩個人喺長沙灣篤波之後搵野食，佢話想打邊爐，但係兩個別人好難叫餸，咁啱見到六十六十火鍋有啲人頭計既餐，就入左去叫左個椰子雞火鍋餐，仲有一大堆海鮮同肉揀。椰子雞個味好入味，好香，椰子味濃，雞好滑，個店員有教我地水滾後先落雞，再焗5minutes就食得。食完雞再食海鮮，我地叫左鮑子、帶子、蜆、蚌，全部都好鮮甜，無諗過行邊邊行行下入去既鋪頭都咁高質，可能因為我地早，六點鬆少少開始食，坐左八成滿，但臨走果陣八點鬆啲已經全場爆滿，值得推薦！