川川貢 (已結業)

唔講真係唔知呢條巷仔入面有餐廳，仲有幾間添，是晚朋友帶我到呢度搵食，食一間叫川川貢的餐館。一聽個名就知道係食辣野食川菜啦，但唔使驚，朋友話佢有得揀bb辣，就算係食辣新手一樣可以好啱食。🐟川川酸菜魚先來份店家招牌酸菜魚，黎到真係好大碟，唔止個碟大，入面十分足料，魚片超多，意外地無薯粉墊底，居然全部係魚，豆卜，萵荀，菇等。嚐一下湯頭，鮮甜美味，要了bb辣，呢個辣度我覺得啱啱好，大口大口飲湯都無難度，個湯正到食完都想包走，哈哈。魚片又多又嫩滑，最正係無骨添呀，就算食到尾凍左都唔會腥，食得出係新鮮魚，但係咩魚就唔知了。🫑三椒肥腸三椒你以為係三色椒？咁就錯啦，係三種唔同嘅辣椒呀，味道又香又辣好惹味，肥腸下得多，咬落甘香有嚼勁，點綴的芹菜爽口又香脆，好味好味。🥔酸辣土豆絲嘩嘩，土豆絲呢碟又係好大份，滿滿一盤，酸酸地好開胃，微辣重蒜香又係好正，唯獨係土豆略為粗身不夠爽口，扣分了。🍚白飯啲餸咁正忍唔住要叫個白飯，撈湯撈汁超好味。🥃忌廉&王老吉食辣野唔少得叫野飲，店家暫時只有罐裝飲品。太好味，已經計劃緊下次同朋友叫咩食，呵呵～