泰屋 (東成里) (已結業)

今日我們一班同事慶祝,本應開開心心,原來比錢吃飯都要受人氣.我們order咖喱蚧,肉碎生菜包,大花蝦,馬拉盞通菜,亞拉斯加蟹,青咖喱雞,柚子沙律,冬陰公夠酸又夠辣~~~好好味,泰式魚爐香氣撲鼻,最後芋頭焗飯,芋頭夠香.唔知係唔係換了大,比我幾個月前好食好多,唯一最唔好食就是甜品,我們order千層榚,西米榚,及南瓜榚,真是實在太難吃,話明甜品 應該是甜,但居然是咸,叫了侍應來通知她為何是咸,她張這碟甜品放了水吧,而水吧位亞姐用兇狠的眼神望過來我們處,咁真係好難食嗎?後來侍應回來說給我們聽水吧同事話冇問題?她便行了去,啍!唔通整甜品個位味覺失調,咁你不如退休返泰國執牛屎.最憤怒就是侍應時常同水吧個亞姐成日 雞啄唔斷,講泰文又大聲,我們叫了她好多次加水,好像借聾耳陳隻耳,服務態度一流,早單聲下次如果阻住二位亞姐傾計,咁不如早些收工.整體來說,食物味道一流,但服務九流.