漢城美食 (已結業)

近o黎去過o既食肆不下十間，但人懶無葯醫...的起心肝呢度係太太揀o既，佢近排響呢頭上堂，即刻好似地胆咁。我無睇過食評，去到先知個婆婆原來唔識廣東話，大家好似溝通唔到咁，結果當然都叫到o野食，但場面都幾攪笑。我最終叫咗泡菜豬肉飯，太太叫咗炒粉絲。前菜有三碟咁大把，兩種蘿蔔(酸同辣)都唔錯，入味又爽口。反而個泡菜唔掂。豬飯先到，先要讚一讚o的飯，一粒粒好有口感，呢種質感我o地好欣賞。醬汁其實有o的偏咸，好在辣味適中又惹味，搶返唔少分。炒粉絲味道唔錯，加上熱辣辣上場，好o野！不過，整體比較油咗o的...同埋謝絕"食肉野獸"o羅...好多小昆蟲，環境少不免要扣分...