泰 (已結業)

其實..... 自己第一次用冬陰功湯底打邊爐，所以無咩太大期望，但試過哩間泰之後，真係充滿驚喜！一來我唔食得辣，佢個冬陰功湯底唔係好辣，而且湯底好鮮甜，湯底落咗唔少蝦隻同蝦頭，又有香茅同草菇，配料十足，所以好鮮甜而且好濃郁，單係飲個湯已經好滿足。另外望望雞件，未食已經好吸引，食落去好滑，相信必然係新鮮雞。由於湯底好正，生蠔，菜，海蝦等等打邊爐配料又好新鮮，結果當然係好好味，而且海蝦重好大隻添，所以今餐好滿意。重有，識打邊爐一定用銅鍋，但好少餐廳用，見到佢地用銅鍋，真係驚喜。