倫哥尊尚火鍋私房菜 (已結業)

天氣開始涼，最岩就係打邊爐。今晚黎到倫哥尊尚火鍋私房菜，佐敦分店鄰近地鐵站，都幾方便。餐廳環境寬敞舒適，岩哂一大班朋友黎。醒胃前菜係麻香雲耳，入口冰涼又爽脆。花菇鮑魚炆得入味，煙韌有咬口。雞煲自選辣度，唔太食得辣建議揀BB 辣。份量十足既任食雞煲可以無限追加，雞件嫩滑，配以芫茜、紫洋蔥等，勁惹味。之後加湯轉打邊爐，有三款湯底供選擇，包括蕃茄、雜菌、酸菜魚，另亦可加錢轉其他湯底。蕃茄湯底香甜濃郁，大人小朋友都岩。海鮮拼盤有多款時令海鮮，特別推薦生蠔，鹹甜適中，肥美肉滑；帶子味道鮮甜肉厚多汁；海蝦緊實彈牙、青口肉厚滑溜；脆肉鯇爽脆有嚼勁。牛頸脊牛味濃郁，雪花均勻，肉質細嫩且香甜多汁。秘制手打墨魚滑/鮮蝦滑爽口彈牙，味道濃郁，鮮甜爽脆又多汁。另有其他火鍋配料，自助區劃分清晰，推薦炸魚皮、響鈴卷，鮮香酥脆。飲品方面亦有不少選擇，有汽水、無糖茶類等，夠哂多元化。最後更附送糖水，好滋補。