ENSŌ

营业中

休息中

今次去咗西環一間叫ENSŌ主打日式串燒既餐廳，今次order左個Omakase全雞串套餐, 由師傅親自挑選6款不同雞的部位。首先前菜係酸汁啫喱雞胸沙律, 雞胸配上酸汁啫喱，黑醋沙律菜十分開胃。再黎3款雞串燒，分別係雞腿肉、雞翼同雞尾，雞腿肉燒到好香口又有肉汁，雞翼乾身香脆，第一次食雞patpat原來都唔錯。接著係雞腎、雞喉嚨同雞皮，雞腎正常發揮啦! 雞喉嚨都好爽脆，雞皮好香口，十分美味。呢度嘅免治雞肉棒中有大量嘅雞軟骨粒，口感一流，配埋日本蛋特制醬汁, 非常惹味。玉子燒燒到好夠火喉, 令鬆軟的雞蛋，再添一層焦香。雞皮虎蝦嘅虎蝦捲著雞皮燒，虎蝦嘅鮮甜加上雞皮香脆，一絕。最後食個迷你雞白湯布烏冬，白布烏冬好似寬麵，入口好滑, 雞湯味濃郁，正。