生記茶餐廳 (已結業)

因為AUNT睇到報紙介紹, 於是專登由香港開車去紅磡試一試......但好失望, 見到噉多人等, 我只覺得係報紙,雜誌的效應, 加上地方好細得四至五張台, 要人等位都正常.....我地ORDER咗蟹粥, 佢特別註明糕蟹, 但完全無糕, 而且ORDER大SIZE都只得一隻蟹一煲......最唔鐘意的就係食到我條脷好痺, 即係好重味精, I HATE IT!!!!!!! 另外, 又ORDER佢出名的炸蠔仔春卷, $58共4條, 但講真無特別, 只係把張春卷皮包住幾粒蠔仔去炸, 好油, 無特別, 所以$58得4條, 好貴. 去飲茶時的炸春卷比佢重好食.....最離譜個油菜, $38唔係貴, 但一定唔算平, 竟然和一碟在粉面店叫的油菜沒有分別, 只是白灼+蠔油, 原條菜上, 什麼都無去cut, 真係夠纖維, 但收得人地$38就比少少心機去炒一下啦! 原棵上, 就好似返大陸食白灼油菜一樣.......唯一ok的, 就係個鑊仔蜆, 無沙, 個冬陰功湯底ok, 唔算太少.......anyway, 我地都覺得無下次, 亦唔會介紹朋友!