同人鍋 (已結業)

十一月底，終於開始凍，有返冬天感覺，當然要食嘢補補取暖，知道Y小姐又要去尖咀逛逛先舒服，自然要喺附近食飯啦，我想食火鍋，佢想食雞煲，Y小姐就提議去山林道，試吓一價兩食。呢間舖頭，完全樓上雅座，環境光猛，裝修實而不華，座位唔逼，夠闊落。飲品全自助，鍾意飲咩就自己攞。列明火鍋配料，呢度唔會有紙筆自己填要追加火鍋配料，夠環保，啱我哋，我哋都諗唔夠先同店員Order。嘩嘩嘩，Y小姐嘅雞煲先上，本身等食火鍋嘅我都動筷。仲有呢個薯粉，(嗱，認住佢，未煮時灰色)食咗一陣雞煲，放埋薯粉，熟咗嘅薯粉變透明，勁索汁，超好食。好多芫茜、乾蔥，佢哋嘅香味入唒雞肉，雞肉嫩滑多汁。 食好雞煲，以為加湯食火鍋，原來唔係，換個有新鍋，用蕃茄薯仔龍蝦仔做湯底打邊爐。每人半邊龍蝦仔龍蝦仔肉彈牙海鮮拼盤打邊爐，夠鮮有海蝦、青口、貴妃蚌、鮑魚仔、蠔、魷魚同白蜆。 鮑魚仔爽口貴妃蚌彈牙蠔就充滿鮮味雜丸、韭菜餃、魚皮餃、生根、鮮冬菇、安格斯肥牛、唐生菜同白菜食唒都好飽，不過最欣賞都係安格斯肥牛，牛香味濃。