阿爺粥品手工涮涮鍋 (已結業)

已經好一段日子冇打邊爐，老公之前食過阿爺話選擇多有小食幾啱我，今日心思思又拉埋我去陪佢，餐廳坐位都幾闊落，旁邊都係一排卡位，中間大圓枱適合大夥兒開餐，入座侍應就話like facebook送代幣俾我地夾海鮮，夾公仔就試得多，夾海鮮都係第一次，老公話好易夾，上次連夾兩隻花蟹，不過今次就冇咁好彩，唯有返埋位食自己先嚟一個酸菜雞鍋，夠酸、雞又滑，好快俾我清晒，諗住會加湯打邊爐，但話明粥底火鍋又何來粥呢？侍應問雞鍋要唔要夾上碟，原來要上個黑松露粥底，黑松露香味撲鼻，每枱有提示海鮮烹調時間，新鮮既海鮮只要跟住時間去煮就萬無一失跟餐可以點五款小食我最愛順德春花卷，肥豬肉粒迫出豬油香，韮菜填滿春花卷，少少油膩多多香，雞翼都好香脆椰汁桂花糕冇乜桂花香，勝在椰汁香濃又夠軟滑，唔差得過糖水舖既味道