正點心 (已結業)

以前細個住美孚，重遊舊地真係會好懷念。見到呢間晚市有食點心已經好吸引，睇到餐單圖有造型特別既點心，好趣致咁，即刻想入去試試。三隻小豬所有點心即叫即做即蒸，夠晒新鮮。呢款可愛豬仔流沙奶皇包令人食慾大增，微微蛋黃鹹香，一咬開後已流出來，是澎湃的感覺。如魚得水呢個其實就係鮮蝦餃，蝦肉大粒飽滿且爽口。賣相真係非常精緻，創意味濃，模仿得精細巧妙，差點不捨得吃。日鵝夜鵝呢到好好多點心都有着味覺同視覺享受。呢款維妙維肖即白天鵝同黑天鵝造型其實係榴連酥，炸得夠酥脆香口，多榴槤餡，非常滋味！也不會覺得油膩。黃金小豬嘜又是另類三隻小豬，非常可愛。呢款係炸糯米角，有別於一般在酒樓食到既鹹水角，內餡係紫薯，炸得外脆內軟，啖啖煙韌質感好享受。盆滿缽滿呢個係「全盒」，有紅菜頭餃，胭脂蝦餃，燒賣同玫瑰包。原來燒賣內有乾坤，一口鮑魚有嚼口彈牙，令燒賣頓時變得高貴起來。另外玫瑰包有豆沙餡，香甜鬆軟！黑白米網野菌腸粉晶瑩剔透既賣相非常討好，皮薄內有脆米，口感豐富。每款點心都各有特色，款款都回味無窮，非常滿意。鳳爪排骨蒸飯呢個係大籠，約4碗飯，排骨份量多且腍，沒有肥肉，真係啖啖肉咁，停不了好滿足。呢到既點心無論款式，質素，