聖安娜餅屋 (已結業)

見到聖安娜10蚊三個獨立包裝既蛋糕,幾抵,咁就買左兩個雙色雪芳蛋糕同一個咖啡蛋卷,仲一次過食晒添!雙色雪芳蛋糕好好食,咖啡蛋卷普普通通。雙色雪芳蛋糕有兩層,一層黃色,係普通蛋糕,另一層啡色,食落似咖啡味,兩層之間係cream,唔太多,份剛剛好(我最怕d蛋糕勁多cream!),蛋糕好鬆軟,所以好食,兩隻味都配合得幾好,好食過美心同嘉頓既雪芳蛋糕;至於咖啡蛋卷,蛋糕比較”實”,cream亦多d, 蛋卷又厚d重手d,感覺heavy少少,不過味道ok既,咖啡味唔係咁濃囉!