麻辣派對 (金百利廣場) (已結業)

朋友推介過依間餐廳係鐘意食辣既天堂！所以今次同友人過黎試下何方神聖！ 餐廳幾舒適！同友人一坐低都對餐廳感覺不錯黎到一定要試下水煮味型既魚！我地就揀左黑魚試試！意想不到咁嫩滑，而且完全冇骨，一口魚肉，會令人停唔到口！必試推介之後再嗌左口水雞同麻辣牛展肉！前菜黎講依兩份真係十分開胃！口水雞既雞肉十分滑不留口 加埋雞皮既彈牙及白芝麻真係絕配！一食落口有雞既鮮味 但慢慢再透岀麻辣味道！牛展我本來以為只係數片份量！但想不到上菜後份量絕對不只係2人份量！非常多的牛展 而且牛展味十分重！喜歡食牛展既人一定要試下然後見到餐牌有避風塘炒蟹！我本來都係一個蟹控，一見到有嗌當然要叫一份！蟹肉鮮甜而且多肉！炒得十分香口！會令人停不了口！最後職員亦介紹我地嗌凍蜜語水果茶！解辣飲料！有多種水果製成！唔單至解到辣！重可以食埋入面既水果！又食又飲！食哂所有野之後餐廳重有紅豆沙送！十分貼心！對於鐘意食辣既朋友黎講絕對係天堂！