村爺爺龍蝦湯.泡飯.燉湯專家

营业中

休息中

8月29日揾食肥華計好時間，行完現時點，買埋心頭好，再約埋靚媽在17：OO之前到呢間人龍名店，食花膠魚翅鷄湯餐，果然不出肥華所料，在呢個食下午茶時間過咗食晚飯又冇咁早嘅青黄不接時段，此店衹有七八成入座率，所以肥華和靚媽不但唔使在此店門外排隊，更被安排坐到一個較好用餐座位，因此店要求光顧嘅食客每人都要叫一個餐，所以肥華就和靚媽各點了一個鷄湯餐及一客炸墨魚條魚腐小食，老實講啲鷄湯上枱熱辣辣時係幾好飲，但若果好似肥華呢類食嘢唔快嘅人食呢個餐就唔啱嘞，因啲鷄湯涼咗同初上枱時嘅味道係天與地嘅分別，而個炸墨魚條魚腐則衹有做法特別而味道就平平無奇，因在此店食嘢嘅風格唔啱揾食肥華，相信此店肥華都唔會再光顧